Aralyq sot óndirisi zańdary ázirge shıki - Ǵ.Jaılın
ALMATY. 17 naýryz. QazAqparat /Erlik Erjanuly/ - Azamattyq- protsedýralyq kodekste Aralyq sottyń protsedýralyq qarym-qatynastary alǵashqy kezekte Azamattyq-protsedýralyq kodeks normalarymen rettelýi kerektigi qarastyrylǵan.
Bul týraly QR Saýda-ónerkásip palatasynyń janyndaǵy Aralyq sot tóraǵasynyń orynbasary Ǵabıden Jaılın búgin Almatyda Halyqaralyq tórelik sot jáne Aralyq sot arbıtrlarynyń alǵashqy kezdesýinde aıtty.
"Azamattyq kodekste Aralyq sot týraly jalpy normalar bar. Onda Aralyq sot quqyq qorǵaýdyń tolyqqandy úlgisi retinde qarastyrylady. Alaıda Aralyq sot óndirisi zańdary ázirge shıki. Azamattyq-protsedýralyq kodekste ózara árekettestikter bar. Áıtse de onda da naqty normalar joq", - deıdi Ǵabıden Aınashuly. Aralyq sot tóraǵasy orynbasarynyń aıtýynsha, ýaqyt talabyna saı qoldanystaǵy zańdarǵa jańa ózgerister qajet. Bul zańdar qabyldanǵan kezdegi ahýal qazirgiden basqasha boldy.
