«Araltuz» jumysshylarynyń jalaqy kóterý jónindegi usynysy qoldaý tapty
«Araltuz» AQ basshylyǵy óndiristik qyzmetkerler jalaqysyn 22,5 paıyzǵa kóterý týraly sheshim qabyldady. Qazirgi tańda kompanııa jumysy tolyq jandandy.
Qyrkúıek aıynyń alǵashqy kúninde aktsıonerlik qoǵamda jumysshylary jalaqyny 50% -100% kóterý jóninde usynys bildirdi.
2014 jyldan bastap qyzmetkerler jalaqysy 6 ese ósken.
Sondaı-aq, 2021 jyldyń 1 naýryzynda jalaqyny 10% - ǵa arttyrý týraly sheshim qabyldady.
Kásiporyn mindetti áleýmettik medıtsınalyq saqtandyrýǵa jarnalardy óteý týraly mindettemeni ózine aldy.
Kompanııa pandemııa kezinde jumys oryndaryn qysqartqan joq. Oǵan qosa qyzmetkerlerdi aqysyz demalysqa jibermegen sanaýly kompanııanyń biri.
«Kompanııa basshylyǵy kásipodaq pen qyzmetkerler ótinishin qarastyrdy. Sondaı-aq kúrdeli jalpy ekonomıkalyq jaǵdaıdy eskere otyryp, 1 qyrkúıekten bastap óndiristik qyzmetkerlerdiń jalaqysyn taǵy 22,5% - ǵa arttyrý týraly sheshim qabyldady. Sonymen qatar, jyl qorytyndysy boıynsha óndiris josparyn oryndaǵany úshin ujymnyń jumysyn qoldaý jáne yntalandyrý sharasy retinde árbir qyzmetkerge qosymsha syıaqy belgileý tapsyryldy. Búgin kompanııanyń búkil qyzmetkerleri óz mindetterin oryndaýǵa kiristi. Kásiporynnyń jumysy tolyq qalpyna keltirildi», - dep málim etti «Araltuz» aktsıonerlik qoǵamynan.
