Aralǵa joǵaltqan teńiz aılaǵy mártebesin qaıtarýǵa bolady - mamandar
ASTANA. QazAqparat - Qazaqstandaǵy Aral teńizine kemejaı aılaǵynyń joǵaltqan dárejesin qaıtarýǵa bolady. Aımaqta «Syrdarııa ózeniniń ańǵaryn retteý jáne Aral teńiziniń soltústik bóligin saqtaý» atty ǵasyr jobasyn iske asyrý júrgizilip jatyr. Sonyń arqasynda qoldan jasalǵan Shaǵyn Aral teńizin qurý múmkin boldy. Búginde ol ekinshi týǵan kúnin atap ótýde, dep habarlaıdy «Habar» telearnasyna silteme jasap Kazpravda.kz.
Taıaýda ǵana kóptegen sarapshylar Aral teńizin birjola joıylǵan dep sanaǵan. Onyń tartylýy aýyr ekologııalyq zardaptarǵa ákelip soqtyrdy. Ósimdik jáne janýarlardyń tektik qorynyń jartysy joıyldy. Kemeler toqtap, balyq aýlaý isi toqtady.
Saıazdaný jyldarynda sý qaladan 150 shaqyrymǵa alystap ketti. Búginde bul qashyqtyq 17 shaqyrymǵa deıin qysqartyldy. Teńizben birge balyq ta oraldy. Ony aýlaý kólemi de ósken.
Búginde qazaqstandyq joba ekinshi fazasyna ótip jatyr. Ony ári qaraı iske asyrý teńiz aıdynyn úsh ese ósirýge ǵana emes, Aral qalasyna joǵaltqan teńiz aılaǵy mártebesin qaıtarý múmkindigin beredi, dep senedi mamandar.
