Aralǵa balyq aýlaýǵa shyǵyp joǵalyp ketken 2 adam tabyldy

QYZYLORDA. QazAqparat - Qyzylorda oblysynda teńizge balyq aýlaýǵa shyǵyp, habarsyz ketken eki adam tabyldy, dep habarlaıdy QazAqparat tilshisi.

Oqıǵa Aral aýdanyna qarasty Qarashalań eldi mekeni aýmaǵynda bolǵan. Aýyldyń eki turǵyny 31 jeltoqsannan 1 qańtarǵa qaraǵan túni saǵat 01:00 shamasynda Aral teńizine balyq aýlaýǵa mototsıklmen shyǵyp ketken. Sodan keıin baılanysqa shyqpaǵan.

«Habarsyz ketken balyqshylardy jergilikti turǵyndar óz kúshimen izdeýge shyqqan. Nátıjesinde atalǵan eki azamat saǵat 03:05-te Qarashalań eldi mekeninen 18 shaqyrym jerden tabylǵan. Muzdyń juqalyǵynan eki azamattyń mototsıkli sýǵa túsip ketken. Sodan keıin olar muzdyń ústinde teńizdiń jaǵasyn taba almaı, baılanysqa shyǵýǵa múmkindigi bolmaǵan. Olardyń densaýlyǵyna zııan kelmegen. Medıtsınalyq kómekti qajet etpegen», - dedi Qyzylorda oblystyq tótenshe jaǵdaılar departamentinen.