Araldan kelgen urylar Astanada birqatar kottedjderdi tonaǵan
ASTANA. QazAqparat - 2015 jylǵy 25 jeltoqsanda elordalyq polıtseıler Qyzylorda oblysynan kelgen, birneshe kottedjderdi tonaǵan «qonaq» urylar tobyn anyqtap, ustady.
Elordalyq ІІD habarlaǵandaı, Astana qalasy ІІD krımınaldyq polıtsııa qyzmetkerleriniń aqparatyna sáıkes Aral qalasynyń 26-28 jas aralyǵyndaǵy úsh turǵyny birneshe kottedjderdi tonaǵan. Keshki ýaqyttarda, úı ıeleriniń joq ekenine kózi jetken olar tereze toryn syndyryp kirip, aqsha, zergerlik buıymdar, baǵaly kıimderdi urlaǵan.
Ustalǵandar jalǵa alǵan turǵyn úıdi tekserý barysynda polıtseıler 30 myń AQSh dollary, 9 myń eýro, 324 altyn buıymdar, birneshe kúzen tony, baǵaly bas kıimder, 2 travmatıkalyq qarý tárkilegen. «Taıoto kamrı» kóligin tekserý barysynda tor, tereze buzatyn quraldar tabyldy.
Ustalǵandar Astana q. ІІD ýaqytsha ustaý oqshaýlaǵyshyna qamaldy. QR QK 188-baby («urlyq») boıynsha sot aldy tergeý júrgizilýde.
