Aralda «Júrek jylýy» aktsııasy ótti

ARAL. QazAqparat - Aral qalasynda 1 naýryz - «Alǵys aıtý» kúnine oraı «Júrek jylýy» qaıyrymdylyq aktsııasy ótýde, dep habarlaıdy QazAqparat aýdan ákiminiń baspasóz qyzmetine silteme jasap.

Kóktemniń alǵashqy kúninde aýdanymyzda «Júrek jylýy» qaıyrymdylyq aktsııasy ótip jatyr. Aktsııaǵa aýdan ortalyǵyndaǵy mekeme basshylary men qyzmetkerleri, kásipkerler belsene qatysýda. Olar turǵyndar kóp balaly, az qamtylǵan otbasylarǵa kómek qolyn sozý maqsatynda Ortalyq meshitke jınaldy. Sharaǵa aýdan ákimi Muhtar Orazbaev qatysyp, jıylǵandardy 1 naýryz - «Alǵys aıtý» kúnimen quttyqtap, sharapaty mol ıgi iske atsalysqan azamattarǵa rızashylyǵyn bildirdi.

Aıta keteıik, qaıyrymdylyq sharasyna óz úlesin qosamyn degen azamattar úshin arnaıy jáshik Ortalyq meshit aýlasynda keshki ýaqytqa deıin qoıylady.