Aralda janartaý atqylap, odan qashqan týrısterdiń bireýi qaza tapty
NUR-SULTAN. QazAqparat - Italııanyń Strombolı aralynda janartaý atqylap, bir týrıst qaza tapty. Araldy kúl basyp qaldy, dep habarlaıdy VVS.
Týrıst janartaý shyńyna shyqqan sátte atqylaı bastaǵan, dep málim etti ıtalııalyq Ansa agenttigine Lıparı qalasynyń meri Marko Djordjannı.
Týrıst qulaǵan tastyń astynda qalyp qoıǵan, dep habarlady Reıter agenttigine qutqarý qyzmetiniń ókili.
Órt sóndirýshiler tilsiz jaýmen kúresip jatyr. Kýágerlerdiń aıtýynsha, taý baýraıynda eki lava atqylap aǵyp jatyr.
Aspannan shashyraǵan kúldiń saldarynan aralda birneshe órt shyqty.
Demalýshylar janartaýdyń ústinen kóterilgen kúldi kórip, teńizge qaraı qashqan.
Araldaǵy výlkan - ǵalamsharymyzdaǵy eń belsendi janartaýlardyń biri, ol 1932 jyldan beri únemi atqylap keledi. Sońǵy, 2009 jyldyń sáýirindegisi asa qýatty boldy.
