Aralda táýlik boıy jańbyr jaýyp, úılerdi sý basý qaýpi týyndady
QYZYLORDA. QazAqparat-Aral qalasynda ótken aptada jaýǵan qar men kúni keshe táýlik boıy jaýǵan jańbyrdyń saldarynan birqatar kósheler men jeke turǵyn úılerdi sý basý qaýpi týyndady, dep habarlaıdy QazAqparat.
Aral aýdany ákimdiginen málim etkendeı, sý basý jaǵdaılarynyń aldyn alý jumystarymen 54 adam, 5 sý tazartqysh kólik, 2 sý tartý nasosy jáne 2 júk tıegish, 1 kamaz kóligi aınalysýda.
Sonymen qatar joldarda júrýge kedergi keltirmeý úshin joldar men trotýarlar da múmkindiginshe tazartylýda.
Aıta ketý kerek, qazirgi tańda eń birinshi kezekte sý basý qaýpi bar jeke turǵyn úıler aýmaǵynda tazartý jumystary júrgizilýde. Osy rette, barlyq kommýnaldyq qyzmetter 24 saǵattyq jumys kestesine aýysty.
