Aralda surapyl jelden mekteptiń shatyry ushyp ketti
ARAL. QazAqparat - Qyzylorda oblysy Aral aýdanynda ekpindeı soqqan jeldiń saldarynan birqatar áleýmettik nysandarǵa zaqym keldi, dep habarlaıdy QazAqparat tilshisi.
Bul jóninde aýdan ákiminiń baspasóz qyzmeti málim etti. Sońǵy kúnderde Aral aýmaǵynda aýa raıy kúrt buzylǵan. Surapyl jel soqqan. Sonyń saldarynan №83 orta mekteptiń shatyry ushyp ketti. Sondaı-aq, mektep janyndaǵy «Tolqyn» balabaqshasynyń syrtqy qorshaýy qulap qalǵan. Oryn alǵan jaǵdaıdan zardap shekkender joq.
«Atalǵan jaǵdaıǵa baılanysty aýdan ákimi Muhtar Orazbaev bastaǵan jaýapty sala mamandary, Aral aýdandyq tótenshe jaǵdaılar bóliminiń qyzmetkerleri oqıǵa ornyna keldi. Kelgen zııandy qalpyna keltirý baǵytynda uıymdastyrý boıynsha jumystar bastalyp ketti», - dep málim etti Aral aýdany ákiminiń baspasóz hatshysy Saıa Erálıeva.
Budan buryn Jalaǵashta surapyl jel úıler men ǵımarat shatyrlaryn ushyryp áketkenin habarlaǵan edik.
Sondaı-aq, budan buryn Qyzylordada aýa temperatýrasy 47 gradýsqa deıin kóterilgeni habarlandy.
