Aralda sora egilgen alqap tabyldy

ARAL. QazAqparat - Qyzylorda oblysynda Aral aýdanynda asa iri mólsherde sora ósimdigin ósirgen turǵyn qolǵa tústi, dep habarlaıdy QazAqparat tilshisi.

Sora egilgen aımaq Aral aýdanyna qarasty Jińishkequm eldi mekeninen shyǵys betke qaraı 30 shaqyrym jerde bolǵan. Esirtki alqabyn Aral aýdany polıtsııa bóliminiń qyzmetkerleri júrgizgen «Kóknár-2019» is-sharasy barysynda anyqtaldy. Keıin kúdikti retinde Qyzylorda qalasynyń 45 jastaǵy turǵyny ustaldy.

«Oqıǵa ornyna jedel-tergeý toby qyzmetkerleri 1 507 túp tyıym salynǵan sora ósimdigine uqsas shópti tárkiledi. Onyń jalpy salmaǵy 252 keli. Atalǵan derek boıynsha QR Qylmystyq kodeksiniń 300-babynyń 2-bóliginiń 1,3 -tarmaqtarymen sotqa deıingi tergep-tekserý amaldary júrgizilýde. Ustalǵan azamat Qyzylorda qalalyq Polıtsııa basqarmasynyń ýaqytsha ustaý abaqtysyna qamaldy», - dep málim etti Qyzylorda oblystyq polıtsııa departamentiniń baspasóz qyzmeti.