Aralda qysta tótenshe jaǵdaılardyń aldyn alýǵa arnalǵan oqý-jattyǵý ótkizildi
QYZYLORDA. QazAqparat- Aral aýdanynda oblystyq komandalyq-shtabtyq oqý-jattyǵý ótti,-dep habarlady QazAqparat tilshisi aýdandyq ákimdikke silteme jasap.
Іs-shara «Qys jáne kóktem kezeńinde sý tasqynynyń qolaısyz damýy jaǵdaıyndaǵy tótenshe jaǵdaılardyń zardaptaryn joıý úshin júrgiziletin avarııalyq-qutqarý jáne basqa da shuǵyl jumystardy daıyndaý jáne júrgizý» taqyrybynda ótti.
Oqý jattyǵý barysynda azamattyq qorǵaý qurylymy jáne tótenshe jaǵdaı qyzmetterimen avarııalyq qutqarý jasaǵyna «Aral-Sarybulaq toptyq sý qubyry» óndiristik bólimshesiniń №20 qalalyq sý taratý sorǵy stantsııasynda saptyq qaraý júrgizildi.
Sonymen qatar, oqý jattyǵý barysynda «Batys-Qytaı - Bastys-Eýropa» tas jolynda 4 jolaýshysy bar 1 jeńil avtokólik qar qursaýynda qalǵandyǵy týraly arnaıy tapsyrma berilip, azamattyq qorǵaý qurylymy jáne tótenshe jaǵdaı qyzmetteri qutqarý jumystaryna kiristi.
Qutqarý kezinde 1 jolaýshyǵa alǵashqy medıtsınalyq qyzmet kórsetildi. Avtokólik qar qursaýynan shyǵarylyp, qalǵan jolaýshylar evakýtsııalyq qabyldaý pýnktine jetkizildi.
Komandalyq-shtabtyq oqý-jattyǵýǵa aýdandyq azamattyq qorǵaý jáne tótenshe jaǵdaı qyzmetteriniń 160 jeke quramy men 30 tehnıka qatystyryldy.
