Aralda kisi qolynan kóz jumǵan polıtseıdiń ólimine kúdikti ustaldy
QYZYLORDA. KAZINFORM — Qyzylorda oblysynda ýchaskelik polıtsııa ınspektorynyń ólimine kúdikti adam ustaldy.
Oblystyq polıtsııa departamentiniń málimetinshe, ol Aral aýdanynyń 39 jastaǵy turǵyny bolyp shyqty. Kúdikti sot sanktsııasymen qamaýǵa alyndy.
— Buǵan deıin habarlanǵandaı, Aral aýdanynda turmystyq janjal barysynda ýchaskelik polıtsııa ınspektoryna dene jaraqattary salynyp, sonyń saldarynan ol qaıtys bolǵan. Oqıǵa bolǵan kezde qyzmetker eńbek demalysynda bolǵan. Tergeý barysy departament basshylyǵynyń baqylaýynda, — delingen habarlamada.
Tergeý múddesine sáıkes ózge aqparat jarııa etilmeıdi.
Eske salaıyq, buǵan deıin Qyzylorda oblysynda polıtseıdiń máıiti tabylǵany belgili boldy.
