Aralda kóshede kólik tizgindegen 6 jastaǵy balanyń ata-anasyna aıyppul salyndy
QYZYLORDA. KAZINFORM – Qyzylorda oblysynyń Aral aýdanynda polıtsııa qyzmetkerleri patrýldeý barysynda 6 jastaǵy balanyń kóshede túngi ýaqytta «Toyota Land Cruiser» markaly avtokólikti basqarǵanyn anyqtady.
Polıtseıler der kezinde áreket etip, jol-kólik oqıǵasynyń aldyn aldy.Tekserý barysynda belgili bolǵandaı, avtokólik onyń ákesine tıesili eken.
- Kámeletke tolmaǵannyń zańdy ókiline balalardy tárbıeleý jáne olardyń qaýipsizdigin qamtamasyz etý mindetterin tıisinshe oryndamaǵany, sondaı-aq kámeletke tolmaǵan balanyń zańdy ókiliniń erip júrýinsiz túngi ýaqytta turǵyn jaıdan tys jerde bolǵany úshin ata-anasyna qatysty ákimshilik hattamalar rásimdeldi. Jınaqtalǵan qujattar sotqa joldanyp, is sotta qaraldy. Sot sheshimimen ata-anasyna ákimshilik aıyppul salyndy. Polıtsııa qyzmetkerleri ata-anasy men balaǵa profılaktıkalyq túsindirý jumysyn júrgizdi, - delingen oblystyq polıtsııa departamentiniń habarlamasynda.
Eske salaıyq, jyl basynan beri Qyzylorda oblysynyń joldarynda 811 jol-kólik oqıǵasy tirkeldi.
