Aralda káriz qudyǵyna qulaǵan túıe qutqaryldy
ASTANA. KAZINFORM – Qyzylorda oblysynyń Aral qalasynda káriz qudyǵyna qulap ketken túıeni Tótenshe jaǵdaılar mınıstrliginiń qutqarýshylary aman alyp shyqty.
Vedomstvonyń málimetinshe, oqıǵa jeke turǵyn úıdiń aýlasynan tys ornalasqan káriz qudyǵynda bolǵan.
– Oqıǵa ornyna jetken TJM qyzmetkerleri arnaıy tehnıka men jabdyqtyń kómegimen túıeni qudyqtan sátti shyǵaryp aldy, – delingen mınıstrlik habarlamasynda.
TJM qutqarýshylary kez kelgen tótenshe jaǵdaıǵa jedel áreket etýge jáne qajet bolǵan jaǵdaıda adamdarmen qatar janýarlarǵa da kómek kórsetýge árdaıym daıyn ekenin atap ótti.
Aıta keteıik, buǵan deıin Býrabaıda álsirep qalǵan elik qutqarylǵan bolatyn. Sondaı-aq Shyǵys Qazaqstan oblysyndaǵy Soldat shyǵanaǵy mańynda qutqarýshylar qaıyqpen jaǵalaýǵa ózdiginen jete almaǵan eki áıelge kómektesken edi.
