Aralda qalyp qoıǵan bir úıir jylqy qutqaryldy - Qyzylorda
QYZYLORDA. QazAqparat - Qyzylordada aralda qalyp qoıǵan 12 jylqy qutqaryldy, dep habarlaıdy QR ІІM TJK.
QR ІІM Tótenshe jaǵdaılar komıteti «Ońtústik óńirlik aeroutqyr jedel qutqarý jasaǵy» memlekettik mekemesiniń jedel kezekshisine Qyzylorda qalasynyń turǵynynan Mereı móltekaýdany mańynda jylqylary sý basqan aımaqta qalyp qoıǵandyǵy jóninde habar tústi.
Jasaq qutqarýshylary quramynda 7 qutqarýshy 1 birlik tehnıka motorly qaıyǵymen shuǵyl túrde shaqyrylǵan jerge shyǵyp, jeltoqsan aıynyń 25-26 kúnderi aralyǵynda jasaq qutqarýshylarynyń kúshimen janýarlardy qutqarý jáne qaýipsiz jerge evakýatsııalaý jumystaryn júrgizdi. Benzındi aranyń kómegimen muzdy kesip jol ashyp barlyǵy 12 bas jylqyny qutqaryp, qaýipsiz orynǵa evakýatsııalady. Qutqarylǵan janýarlardyń ıeleri qutqarýshylarǵa alǵystaryn bildirdi. 
