Aralda esirtki ekkender polıtsııa qyzmetkerlerine oq atty

ARAL. QazAqparat - Qyzylorda oblysy Aral aýdanynda esirtki ósimdigin egýmen aınalysqan qylmystyq top músheleri polıtsııa qyzmetkerlerine qarsy qarý qoldandy, dep habarlaıdy QazAqparat tilshisi.

Bul oqıǵa Aral aýdany Jińishkequm eldi mekeninen 120 shaqyrym qashyqtyqta oryn alǵan. Polıtsııa qyzmetkerleri qalyń qum ishin aralap kele jatyp quramynda esirtki zaty bar, ósirýge tyıym salynǵan ósimdikterdiń jaıqalyp turǵanyn anyqtady. 6 adam zańsyz esirtki egip jatqan jerinde qolǵa tústi. Olardan basqa kúdiktiler oqıǵa ornynan boı tasalap, polıtsııa qyzmetkerlerine qarsy qarý qoldandy.
«Boı tasalaýǵa tyrysqan kúdiktilerdi ustaý barysynda olardyń biri jaraqat alyp, medıtsınalyq mekemege jetkizildi. Al 36 jastaǵy ekinshi kúdikti ustaldy. Búgingi tańda oryn alǵan derek boıynsha QR Qylmystyq kodeksi 300-baby 2-bóligi 1,3-tarmaqtarymen jáne 380-baby 2-bóligimen sotqa deıingi tergep-tekserý júrip jatyr. Onda quramynda esirtki zaty bar, tyıym salynǵan ósimdikterdi zańsyz ósirý jáne bılik ókiline qatysty kúsh qoldaný jaǵdaılary kórsetilgen. Sonymen qatar, polıtsııa departamenti tabeldik qarý qoldaný deregine quqyqtyq baǵa berý úshin qyzmettik tergeý júrgizýde», - dep málim etti Qyzylorda oblystyq polıtsııa departamentinen.
Budan buryn Qyzylordada 8 mln teńgeniń múlkin qoldy etken urylar ustalǵan bolatyn.