Aralda búırek jetispeýshiliginen zardap shegetin naýqastardy emdeıtin ortalyq ashyldy
QYZYLORDA. QazAqparat - Búgin Qyzylorda oblysynyń Aral aýdanynda JShS «B.B.NURA» ambýlatorııalyq dıalız ortalyǵynyń ashyldy, dep habarlady QazAqparat HAA tilshisi aýdandyq ákimdikke silteme jasap.
Eske sala keteıik, 2016 jyly aýdan ákiminiń qorytyndy esebinde aýdan turǵyndary tarapynan «búırek jetispeýshiliginen zardap shegetin naýqastardy» emdeý ortalyǵyn aýdanymyzdan ashýǵa usynys túsken bolatyn.
Jergilikti halyqtyń tilek-talaptary eskerýsiz qalmaı, aýdan ákimdigi men aýdandyq ortalyq aýrýhanasy oblystyq densaýlyq saqtaý basqarmasymen birlese kele respýblıka boıynsha úzdik dep tanylǵan JShS «B.B.NURA» ambýlatorııalyq dıalız ortalyǵymen kelissózder júrgizdi. Búgin osy nátıjeli jumystardyń arqasyndaaýdan turǵyndarynyń ıgiligi úshin «Dıalız ortalyǵy» esigin aıqara ashty.
- Atalmysh ortalyq buǵan deıin tek úlken qalalarda qoljetimdi bolsa, zamanaýı medıtsınalyq qural-jabdyqtarmen jabdyqtalǵan ortalyq búgin bizdiń turǵyndarymyz úshin de qyzmet kórsetetin bolady. Aýdanda «sozylmaly búırek jetispeýshiligine» shaldyqqan naýqastar sany 12 adamdy qurasa, endi osy esepte turǵan naýqastarymyz alystan em izdemeı, bilikti nefrolog mamandardyń sapaly ári shıpaly emin alady degen senimdemiz», - dedi ortalyqtyń ashylýynda sóz alǵan aýdan ákimi Muhtar Orazbaev.
Odan ári, sharaǵa arnaıy kelgen ortalyqtyń medıtsınalyq dırektory Marat Ábýbákirov sóz alyp, munda, sozylmaly búırek jetispeýshiligin emdeýdiń eýropalyq standarttaryna kóshý jáne gemofıltratsııa rásimderdin engizý, terapııa tıimdiligin arttyrýǵa, asqynýlar qaýpin azaıtýǵa jáne naýqastarǵa der kezinde kómek kórsetýge múmkindik jasalatynyn atap ótti.
