Aralda balyq aýlaýǵa shyqqan úsh jigittiń biri mototsıklimen birge sýǵa ketti
QYZYLORDA. QazAqparat-Ótken demalys kúnderi Aral aýdany Sekseýil kentinen balyq aýlaýǵa shyqqan 3 azamattyń biri sýǵa batyp ketti. Bul týraly QazAqparat tilshisi OTJD-ge silteme jasap habarlaıdy.
Ońtústik óńirlik aeroutqyr jedel qutqarý jasaǵy mamandarynyń aıtýynsha kenttiń úsh turǵyny teńizge balyqqa shyǵady. Jaǵalaýdan shaqyrymnan asa uzaǵanda juqa muz syr berip, oıylyp ketedi. Oqys oqıǵadan aman qalǵan eki balyqshy jaǵaǵa jetken. Al mototsıklimen birge sý astyna ketken 45 jastaǵy azamattyń denesin Ońtústik óńirlik aeroutqyr jedel qutqarý jasaǵy mamandary alyp shyqty.
Bul oqıǵa qys aılarynda kólder men aıdyndarda qaýipsizdik saqtyq sharalaryn barynsha saqtaý qajettigin kórsetip otyr.
