Aralda aýlanǵan qandaı balyq túrleri jıi eksporttalady
QYZYLORDA. KAZINFORM — Qyzylorda oblysynda bıyl 6 aıda 2 300 tonna balyq aýlandy.
Oblystyq tabıǵı resýrstar jáne tabıǵat paıdalanýdy retteý basqarmasynyń málimetinshe, onyń 93%-y Kishi Aral teńizine tıesili.
— 1 808 tonna balyq ónimi 12 shet memleketke eksporttaldy. Onyń basym bóligi — tyran, torta, alabuǵa, shortan, kókserke. Óńdelgen ónim túrlerinen kókserke súbesi, tyran qanattary, balyq farshy, balyq súbesi, muzdatylǵan balyq jáne balyq uny kóbirek jóneltildi. Búgingi kúni oblysta 11 balyq óńdeý zaýyty jumys jasap tur. Onyń 4-eýinde Eýropalyq odaq elderine eksporttaý quqyǵyn beretin «Evrokod» nómirleri bar, — delingen habarlamada.
Bıyl kól-taýarly balyq sharýashylyqtary 2 765 tonna taýarly balyq ósiredi dep josparlanyp otyr. Búginde mundaı sharýashylyqtar sany 80-ge jetip otyr.
Al Atyraý oblysynda jyl basynan beri 5 530 tonna balyq aýlanyp, onyń 4 085 tonnaǵa jýyǵy shetel naryǵyna jóneltilgen.
