Aralda ákim 107 jastaǵy ájeıdi merekesimen quttyqtady
QYZYLORDA. QazAqparat- Mereke qarsańynda Aral aýdanynyń ákimi Muhtar Orazbaev Aral qalasynda turatyn jasy 107-den asqan Ibaıdýllaeva Kúlmarash ájeni 8 naýryz - Halyqaralyq áıelder kúnimen arnaıy quttyqtap, ǵasyr jasaǵan ǵıbratty ǵumyr ıesiniń qolyn alyp, hal-jaǵdaı surap, qurmetin kórsetti. Bul týraly QazAqparat HAA tilshisi aýdandyq ákimdikke silteme jasap habarlady.
Kezinde eren eńbegimen memleketimizdiń irgetasyn nyǵaıtýǵa atsalysqan aq jaýlyqty ájeler bul kúnde el táýelsizdiginiń arqasynda ózderine kórsetilgen jan-jaqty qoldaý men qamqorlyqty sezinip, ádemi qartaıý baqytyn bastan keshirýde.
