Aralas jekpe-jek: Jalǵas Jumaǵulov reseılikten chempıondyq belbeýdi tartyp aldy
ASTANA. QazAqparat - Astanada Fight Nights Global 88 aralas jekpe-jekten týrnır ótti, dep habarlaıdy Sports.kz.
Qazaqstandyq Jalǵas Jumaǵulov (11-3) tıtýl úshin bolǵan jekpe-jekte eshqashan jeńilmegen, jeńil salmaqtaǵy Fight Nights chempıony reseılik Tagır Ýlanbekovpen (6-0) kúsh synasty. Aıqas bes raýndqa sozylyp, Jumaǵulovtyń basymdyǵymen aıaqtaldy (49-46, 49-47, 48-48).
Osylaısha Jumaǵulov 12-jeńisine qol jetkizip, jeńil salmaqtaǵy Fight Nights jańa chempıony atandy. Ýlanbekov bolsa, belbeýden aıyrylyp, óz sport jolynda alǵash ret súrindi.
Eske sala ketsek, bunyń aldyndaǵy jekpe-jegin Jalǵas Jumaǵulov 1 sáýirde Almatyda ótkizip, ádilqazylardyń biraýyz sheshimimen amerıkalyq sportshy Taıson Nemany jeńgen bolatyn.
