Aralas jekpe-jek sheberi Jasulan Ákimjan kelesi qarsylasyn atady
NUR-SULTAN. QazAqparat – Qazaqstandyq aralas jekpe-jek sheberi Jasulan Ákimjannyń aldaǵy maqsaty týraly aıtyp berdi, dep habarlaıdy QazAqparat tilshisi.
«Búgingi týrnırge daıyndyqty oıdaǵydaı ótkizdik. Eshqandaı qıyndyq bolǵan joq. Qazaq eliniń qoldaýynyń arqasynda búgin jeńiske jettik. Árıne, úzilisten keıin qıyndyq boldy, salmaq jaǵynan. Degenmen bári oıdaǵydaı ótti. Aldaǵy qarsylasym qazirdiń ózinde belgili. Ol - daǵystandyq Rasýl Magomedov. Qazir Eagle FC belbeýi sol jigitte. Sol belbeýdi qazaq eline ákelip qýantsam degen maqsat bar», - dedi Jasulan Ákimjan elordada aralas jekpe-jekten ótken týrnırdegi jeńisinen keıin.
Sondaı-aq, jerlesimiz daǵystandyq sportshymen jekpe-jekke shyǵýǵa daıyn ekendigin aıtty.
«Jankúıerlerge aıtarym, qazaqstandyq jekpe-jek sheberlerine degen qoldaýyn aıamasa. Jalpy barlyq sportshylarǵa halyqtan qoldaý kerek», - deıdi ol.
Buǵan deıin habarlaǵanymyzdaı Jasulan Ákimjan Eagle FC 50 týrnırinde reseılik Rýslan ıAmanbaevty tehnıkalyq nokaýtpen jeńgen edi.
Sondaı-aq, atalǵan básekede qazaqstandyq Álı Qabdolla tunshyqtyrý ádisin qoldana otyryp qarsylasynan basym túsken edi.
