Aralas jekpe-jek sheberi Dáýren Ermekov qarsylasyn nokaýtpen jeńdi
SAMARA. QazAqparat – Qazaqstandyq Dáýren Ermekov (17-5) Reseıdiń Samara qalasynda aralas jekpe-jekten ótken Ural Fighting Championship 2 týrnırinde óner kórsetti, dep habarlaıdy QazAqparat Sports.kz-ke silteme jasap.
D.Ermekov reseılik Gamzat Hıramagomedovpen (10-2) jekpe-jek ótkizip, ony ekinshi raýndta býyndyrý ádisimen jeńdi.
Osylaısha, Ermekov kásibı sporttaǵy 18-inshi jeńisine qol jetkizdi. Al Gamzat
Hıramagomedov oktagonda osymen úshinshi ret jyǵylyp otyr.
Aıta keteıik, Ermekov pen Hıramagomedov buǵan deıin eki ret kezdesken: olar alǵash 2015 jyly áýesqoı satyda judyryqtasty. Ol kezde reseılik faıter tóreshilerdiń biraýyzdy sheshimimen jeńiske jetti. Ekinshi kezdesý byltyrǵy shilde aıynda ótip, qazaqstandyq sportshy qarsylasyn ekinshi raýndta nokaýtqa jiberdi.
D.Ermekov Eagle FC lıgasynyń orta salmaqtaǵy chempıony. Tıtýl quryltaıshysy – UFC-tiń eks-chempıony Habıb Nurmaǵambetov.
