Aralas jekpe-jek resmı Azııa oıyndarynyń baǵdarlamasyna endi
ASTANA. KAZINFORM – Azııa Olımpıadalyq keńesi (OCA) 2026 jylǵy HH jazǵy Azııa oıyndaryna aralas jekpe-jek (MMA) sporty engizilgenin resmı túrde jarııalady.
Azııa aralas jekpe-jek qaýymdastyǵynyń (AMMA) habarlaýynsha, MMA sportyn Azııa oıyndary baǵdarlamasyna qosý onyń ósip kele jatqan jahandyq yqpalyn jáne sportty osy deńgeıge jetkizý úshin sportshylardyń, sheneýnikterdiń jáne ulttyq birlestikterdiń qajyrly eńbegin kórsetedi.
Sportshylar ózderiniń fızıkalyq daǵdylaryn ǵana emes, sonymen qatar aralas jekpe-jek ónerindegi tártipti, ynta jáne jigerin de kórsetedi.
Jarys kelesi salmaq kategorııalary boıynsha ótedi:
Erler:
Dástúrli stıl: 65 kg, 77 kg
Zamanaýı stıl: 60 kg, 71 kg
Áıelder:
Dástúrli stıl: 60 kg
Zamanaýı stıl: 54 kg
Aıta keteıik, HH jazǵy Azııa oıyndary 2026 jyly 19 qyrkúıekten 4 qazan aralyǵynda Japonııanyń Aıchı jáne Nagoıa qalasynda ótedi.
Osyǵan deıin habarlaǵanymyzdaı, Qazaqstandyq qutqarýshy Qytaıda MMA chempıony atandy.