Aralas jekpe-jek: Bolat Qııalov Máskeýde ótetin «Bıtva 19» halyqaralyq jarysyna qatysady

11 maýsym kúni Máskeý qalasynyń Lýjnıkı «Rossııa» MOKZ-nyń arenasynda bolatyn básekege túrli elderden kelgen aralas jekpe-jekterdiń sańlaqtary qatysqaly otyr.

Bolat Qııalov álem chempıonatynyń qola júldegeri jáne taı boksynan Qazaqstan chempıony, sondaı-aq Qazaqstannyń grepplıng boıynsha kúmis júldegeri bolyp tabylady. Jarysta onyń qarsylasy - «Bars» SK-nyń (Qalmyq respýblıkasy) atynan shyǵatyn reseı sportshysy Baır Shtepın.

«Bolat - bolashaǵynan úmit kúttiretin sportshy. Buryn taı boksynda baǵyn synap júrgen bolatyn, biraq MMA álemde joǵary baǵalanýyna baılanysty biz osy sport túrin tańdadyq. Bolat Taılandta, Taıgerde («Taıger Mýaı Taı jáne MMA» jattyǵý lageri) úsh aılyq jıynǵa qatysqan, ol myqty chempıondardy daıarlaıtyn oryn ekenin de bilemiz. Qazirgi kezde salmaq qosýdamyz. Bul jarysta jeńiske úmittimiz. Ol úshin qoldan kelgenniń bárin jasaımyz», - dedi MMA Academy Kazakhstan jattyqtyrýshysy Dıas Qabdýlov Astanada ótken baspasóz máslıhatynda.

«Biz tek jeńisti ǵana kózdep otyrmyz, judyryqtasý aldynda jaqsy jıynnan óttik, qarsylasymyzdy bilemiz, jospar quryp aldyq.Sondyqtan endigi mindetim - tek jan aıamaı bardy salý», - dep atap ótti Bolat.