Aralar júrgen jerde egistiń túsimi artady - zertteýshiler
ASTANA. QazAqparat - Aralar ósirilgen jerdegi egistiń túsimi artady. Jaqynda zertteý júrgizilip, onda aralardyń kez kelgen túriniń paıdaly ekendigi, egistiktiń túsimi olardiń qanshalyqty kóp kelýine baılanysty ekendigi anyqtalǵan.
BUU Azyq-túlik jáne aýylsharýashylyǵy uıymy (FAO) aralar - álemdegi eki mıllıonǵa jýyq shaǵyn sharýa qojalyqtarǵa ónimdi arttyrýda, ári jer betindegi halyqtyń azyq-túlikpen qamtylýynyń jaqsarýynda basty ról atqaratynyn atap ótti.
«Bizdiń zertteýimiz tozańdandyrýshylardyń kóbeıgeni - ıaǵnı ara túrleriniń ósimdikke ushyp-qonýyna jaǵdaı jasaý túsimge tikeleı áser etetindigin kórsetti», - deıdi FAO zertteýiniń avtorlarynyń biri Barbara Gemmıll-Herren.
Jabaıy ara qyzanaq gúlin jaqsy tozańdandyrady. Al bal arasy bolsa kerisinshe ádemi gúli bar ósimdikti ǵana tańdaıtyn bolyp shyqty.
Sarapshylar, shaǵyn fermerler aýylsharýashylyǵy ósimdikteriniń túsimin arttyrý úshin óz alqaptarynyń aınalasyna gúlder egip, pestıtsıd paıdalanýdy azaıtqany jón dep keńes beredi.
