Aral tuzy Ázerbaıjanǵa eksporttala bastady
«Kásiporyn Reseıdiń tuz naryǵynyń 13 paıyzyn jeńip aldy. Budan bólek, biz Qyrǵyzstanǵa da óz ónimderimizdi jóneltemiz, jaqynda tuzdyń alǵashqy vagonyn Ázerbaıjanǵa jiberdik. Bolashaqta naryqty keńeıtip, Qytaı men Shyǵys Eýropa elderine eksporttaýdy josparlap otyrmyz», - dedi Evgenıı Korol.
«Araltuz» AQ jańa seriktester tartý maqsatynda Reseıde mańyzdylyǵy men aýqymy jaǵynan ekinshi sanalatyn 26 -shy mamandandyrylǵan «World Food Moscow» kórmesine qatysýda.
Aıta ketý kerek, «Araltuz» AQ metallýrgııa, hımııa, ónerkásiptiń ózge de salalarynda suranysqa ıe kaltsıılendirilgen soda óndirisin iske qosýdy josparlap otyr. Atap aıtqanda, shıkizat Qyzylorda qalasynda shyny shyǵarý óndirisine qoldanylatyn bolady. Zaýyttyń jyldyq qýaty 300 myń tonna ónimdi quraıdy. Bul respýblıkada kaltsıılendirilgen soda shyǵaratyn jalǵyz zaýyt bolmaq ári elimizdiń barlyq suranysyn 75% -ǵa qanaǵattandyrady. Búginde kaltsıılendirilgen soda naryǵynyń 100%-yn ımporttyq ónimder quraıdy.
Aıta keterligi, «Araltuz» AQ - ıodtalǵan as jáne tehnıkalyq tuz shyǵaratyn qazaqstyndyq iri kásiporyn. Kásiporyn ónimniń birneshe túrin shyǵarady: as tuzy ártúrli deńgeıdegi jumsaq jáne qatty qaptamalarda, sondaı-aq, mal azyǵyna jáne tehnıkalyq qajettilikterge arnalǵan túrleri. Kompanııa Qyzylorda oblysynyń Aral aýdanynda ornalasqan, onda 1200 den astam adam jumys isteıdi.
11-14 qyrkúıek aralyǵynda Máskeýde ótip jatqan «World Food Moscow 2017» halyqaralyq azyq-túlik jármeńkesine álemniń 64 elinen 1 500-den astam reseılik jáne sheteldik azyq-túlik ónimderi men sýsyndaryn jetkizýshi kompanııalar qatysýda.
Jármeńkede «KAZAKH INVEST» Ulttyq kompanııasy» AQ Qazaqstannyń ulttyq buryshyn tanystyryp, jeti birdeı otandyq óndirýshi-kompanııalardyń ónimderin usyndy, olardyń arasynda «Araltuz» AQ da bar.
