Aral turǵynynyń úıine basyp kirip, qaraqshylyq shabýyl jasaǵan eki adam izdestirilip jatyr
Oqıǵa 8 tamyz saǵat 16:00 shamasynda bolǵan. Sol ýaqytta aýdandyq polıtsııa bólimniń 102 arnasyna Aral qalasynyń turǵyny habarlasqan.
Polıtsııaǵa habarlasqan azamat óziniń mekenjaıyna eki beıtanys er adam basyp kirip, iri kólemde aqsha jáne uıaly telefondaryn tartyp alyp ketkenin aıtyp aryzdanǵan.
Kúdiktiler oqıǵa ornynan boı tasalap ketken.
«Atalǵan derek Aral polıtsııasynda tirkeldi. Bul boıynsha QR Qylmystyq kodeksiniń 192-babynyń 4-bóliginiń 2-tarmaǵymen sotqa deıingi tergeý júrip jatyr. Tıisti saraptamalar taǵaıyndaldy», - dep málim etti Aral aýdandyq polıtsııa bóliminen.
Vedomstvo málimetinshe, kúdiktilerdi izdestirý baǵytynda jedel tergeý toby qurylǵan.
Eske salsaq, budan buryn Aralda jol-kólik oqıǵasynan bir adam qaza taýyp, eki adam jaraqat alǵan bolatyn.
