Aral týraly fılm Parıjdegi kınofestıvalde top jardy
ALMATY. QazAqparat - Aral teńizi týraly qazaqstandyq rejısser túsirgen «Zavtra more» fılmi Parıj qalasynda ótken halyqaralyq kınofestıvalde júldeger atandy, dep habarlaıdy QazAqparat tilshisi.
Rejısser Katerıan Sývorova túsirgen «Zavtra more» fılmi Aral teńiziniń ekologııalyq máselesine arnalǵan. Ol Frantsııada dástúrli túrde ótkizilip kele jatqan Jan Rýsh atyndaǵy halyqaralyq kınofestıvaldiń bıylǵy 36-shy baǵdarlamasyna engen.
Baıqaýdyń «Kórilim» baǵdarlamasy boıynsha tanystyrylǵan fılm «Antropologııa jáne jemisti damý» júldesine laıyq dep tanylǵan. Parıjge baryp qaıtqan rejısser Katerıan Sývorovanyń ózi fılmdi kórermen yqylaspen óabyl alyp, sońynan Aral teńizine qatysty másele boıynsha qyzý talqyǵa ulasqanyn aıtady.
«Zavtra more» derekti fılmi alǵash ret Shveıtsarııada ótken «Locarno Festival» halyqaralyq baıqaýynda, sodan keıin Almaty ótken «Clique» festıvalinde kórsetilgen bolatyn. Jalpy, fılm bir jyl ishinde «Thessaloniki International Film Festival» (Grekııa), «Jihlava International Documentary Film Festival» (Chehııa), «Docs Against Gravity» (Polsha), «Artdokfest» (Rossııa), «Open City Documentary Festival» (Brıtanııa), «SF IndieFest» (AQSh) syndy kıno baıqaýlarda kórsetildi.
Aıta keteıik, atalǵan fılm Qazaqstan kıno synshylary qaýymdastyǵy taǵaıyndaǵan «Tulpar» júldesin «Úzdik fılm» nomınatsııasy boıynsha jeńip alǵan bolatyn.
