Aral teńizine 1 mlrd tekshe metrden astam sý tústi
QYZYLORDA. KAZINFORM — Sý resýrstaryn qorǵaý jáne paıdalanýdy retteý jónindegi Aral-Syrdarııa basseındik sý ınspektsııasy Syrdarııa ózeniniń 22 shilde kúngi sý sharýashylyǵy jaǵdaıyn jarııalady.
Búgingi kúni Shardara sý qoımasyndaǵy sý kólemi — 3 mlrd 392 mln tekshe metr. Syrdarııa ózeniniń tómengi aǵysyna sekýndyna tastalyp jatqan sý kólemi — 550 tekshe metr.
— Kóksaraı sý rettegishinde 23,01 mln tekshe metr sý bar, tómenge sý tastalyp jatqan joq. Qyzylorda oblysynyń shekarasyna Kóktóbe sý beketi arqyly sekýnd saıyn 525 tekshe metr sý kelip jatyr. Kanaldar arqyly sý tolyq berilip keledi — sekýndyna 381,66 tekshe metr, — dedi ınspektsııa basshysy Zeınýlla Qaztoǵanov.
Aral teńizine jyl basynan beri 1 mlrd 025 mln tekshe metr sý túsken.
— Shardara sý qoımasy men Kóksaraı sý rettegishiniń jumys kestesi baqylaýymyzda. Jergilikti atqarýshy organdar jáne sý sharýashylyǵy uıymdary Syrdarııa ózenindegi sý sharýashylyǵy jaǵdaıyna kúndelikti monıtorıng júrgizip otyr, — dedi ınspektsııa basshysy.
Jyl sońyna deıin Soltústik Aral teńizine qosymsha 1,2 mlrd tekshe metr sý jiberý josparlanyp otyr.
