Aral teńizinen zańsyz balyq aýlaǵandar ustaldy
QYZYLORDA. QazAqparat-Aral aýdandyq ishki ister bóliminiń Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasy qyzmetkerlerimen birlesip júrgizgen reıdi barysynda Kishi Aral teńiziniń №18 ýchaskesinde «Progress» kemesimen balyq aýlap júrgen Aral aýdanynyń 2 turǵyny ustaldy.
Bul týraly QazAqparat tilshisi oblystyq ІІD silteme jasap habarlady.
Tekserý barysynda, «Veterok-8» úlgisindegi ilmeli motory, 7 dana sıntetıkalyq aýlar jáne jalpy salmaǵy 205,5 keli kókserke balyǵy anyqtalyp, aıǵaq zat retinde tárkilendi.
Atalmysh derek boıynsha Sotqa deıingi tergep-tekserýdiń biryńǵaı tizilimine QR Qylmystyq kodeksiniń 335-baby 3-bóligi 4 jáne 5-tarmaqtary negizinde tirkelip, jan-jaqty tergep-tekserý amaldary júrgizilýde.
