Aral teńizine balyq aýlaýǵa shyqqan eki adam sýǵa ketti

QYZYLORDA. QazAqparat - Qyzylorda oblysynda Aral teńizine balyq aýlaýǵa shyqqan eki adamnyń qaıyǵy aýdarylyp, sýǵa ketti, dep habarlaıdy QazAqparat tilshisi.

Oqıǵa Aral aýdanyna qarasty Aqespe eldi mekeni tusynda, Aral teńizinde bolǵan.

«Atalǵan aýylda turatyn 1969, 1971 jylǵy azamattar balyq aýlaýǵa shyqqan. Belgisiz sebeppen qaıyq aýdarylyp, ekeýi sýǵa ketti. Olardyń jansyz denesin birge júrgen ózge adamdar jaǵaǵa alyp shyqqan», - dep málim etti Qyzylorda oblystyq tótenshe jaǵdaılar departamenti baspasóz qyzmetiniń bas mamany Aıgúl Nurmanova.

Aral aýdany ákimdiginiń habarlaýynsha, olardyń máıitteri otbasylaryna jetkizildi.

Eske salsaq, budan buryn Qyzylordada darııaǵa kóligimen túsip ketken jigittiń máıiti tabylǵanyn habarlaǵan bolatynbyz.