Aral teńizinde joǵalǵan eki balyqshynyń biriniń denesi tabyldy

QYZYLORDA. QazAqparat - Aral teńizinde joǵalyp ketken eki balyqshynyń biriniń denesi tabyldy, dep habarlaıdy QazAqparat tilshisi.

Qyzylorda oblysynda 2 qarashada Aral teńizine balyq aýlaýǵa shyqqan eki balyqshy joǵalyp ketken edi.

Onda qatty jel turyp, kúnniń kúrt qubylýy saldarynan «Baqyt» sharýa qojalyǵynda kelisim-shart boıynsha eńbek etken 25 jáne 26 jastaǵy eki azamattyń habarsyz ketkeni aıtylǵan bolatyn.

Aral aýdandyq jumyldyrý daıyndyǵy jáne aýmaqtyq qorǵanys bólimi basshysy Sherhan Esjanov joǵalyp ketken eki balyqshynyń biriniń denesi tabylǵany málim etti. Balyqshynyń denesi №8 balyq ýchaskesi aýmaǵynan tabylǵan. Qaıyqtaǵylar №16 ýchaskede balyq aýlaǵan.

«Marqum Aral qalasynda turady. Teńizden izdestirilip jatqan ekinshi balyqshy Qyzylorda qalasynyń turǵyny. Ol da atalǵan sharýa qojalyǵynda eńbek etken», - dedi Sherhan Esjanov.