Aral teńizinde joǵalǵan balyqshynyń denesi 20 kúnnen beri tabylmaı jatyr
Bul jóninde Qyzylorda oblystyq jumyldyrý daıyndyǵy basqarmasynyń basshysy Asylbek Shámenov málim etti. Onyń aıtýynsha, qutqarýshylar barlyq jumystardy atqarǵan. Degenmen izdeý jumystary ázirge nátıje bere qoıǵan joq.
«Qazirgi tańda Qyzylorda oblysynda aýa raıy qubylmaly bolyp tur. Sondyqtan turǵyndardan barlyq saqtyq sharalaryna kóńil bólýdi suraımyz», - dedi Asylbek Shámenov.
Bul oqıǵa 2 qarasha kúni oryn alǵan. Sol kúni Aral teńizine balyq aýlaýǵa shyqqan eki balyqshy joǵalyp ketken edi. Qatty jel turyp, kúnniń kúrt qubylýy saldarynan «Baqyt» sharýa qojalyǵynda kelisim-shart boıynsha eńbek etken 25 jáne 26 jastaǵy eki azamat habarsyz ketti. Al 7 qarashada eki balyqshynyń biriniń denesi tabylǵan. Negizinde olar №16 ýchaskede balyq aýlaǵan.
