Aral teńizinde yǵyp ketken 2 balyqshyny úsh kúnnen beri taba almaı jatyr
ARAL. QazAqparat - Qyzylorda oblysy Aral teńizi aýmaǵynda balyq aýlaýǵa shyqqan eki balyqshy úsh kúnnen beri tabylmaı jatyr, dep habarlaıdy QazAqparat tilshisi.
Eki balyqshy jergilikti «Baqyt» sharýa qojalyǵynda eńbek etedi. Balyq aýlaý isin kásip etken 25 jáne 26 jastaǵy azamattar Aral teńizi aýmaǵyndaǵy №16 ýchaskede óz jumystaryn atqarýǵa shyqqan. Qatty jel turyp, kúnniń kúrt qubylýy saldarynan olar jaǵaǵa oralǵan joq.
«Joǵalǵan 2 balyqshyny izdeý sharalary qolǵa alynǵan. Búgin barlyǵy 30-ǵa tarta qaıyqpen teńiz aýmaǵynda izdestirý sharalary jalǵasady. Bıyl mundaı oqıǵa alǵash ret tirkelip otyr. Byltyr osyndaı 5 jaǵdaı oryn alǵan edi», - dep málim etti oblystyq jumyldyrý daıyndyǵy basqarmasy basshysynyń orynbasary Ǵabıt Jańabaev.
Budan buryn Qyzylordada mal izdeýge shyqqan turǵyn adasyp ketken edi