Aral teńizinde shaǵyn kólemdi kemelerdi paıdalaný talaptary buzylyp jatyr
ASTANA. 10 qyrkúıek. QazAqparat - 2012 jyly sáýir aıynda Aral teńizinde qaıǵyly oqıǵanyń saldarynan 2 balyqshy sýǵa batyp ketken.
Aldyn ala tekserý nátıjeleri bul qaıǵyly oqıǵanyń shaǵyn kólemdi kemelerde qaýipsizdik erejesiniń saqtalmaýynan oryn alǵandyǵyn kórsetti. Osyǵan baılanysty, Qyzylorda kólik prokýratýrasynyń, ishki ister organdarynyń jáne kólik ınspektsııasynyń qyzmetkerlerimen birlesip kishi Aral akvatorııasynyń qyzmetin júzege asyratyn balyq aýlaýshylar brıgadalaryna qatysty reıd júrgizilgen bolatyn. Nátıjesinde «Іshki sý kóligi týraly» Qazaqstan Respýblıkasy Zańynyń talaptary buzylǵandyǵy anyqtaldy. Bul týraly Bas kólik prokýratýrasynan habarlandy.
Tekserý barysynda «Qýanysh» JShS-niń basshylyǵy óz ýchaskesine balyq aýlaýshylar brıgadalaryna tekserý júrgizý kezinde sý kóligine qajetti qujattary joq qyzmetkerlerge jumys jasaýǵa ruqsat etken. Sonymen qatar, tekseris árbir keme júrgizýshiler men balyq aýlaýshylardyń jeke qutqarý keýdesheleriniń bolmaǵandyǵy jáne balyq aýlaýdy memlekettik tirkeýden ótkizilmegen kemeler arqyly júzege asyrylǵandyǵy anyqtalǵan. Anyqtalǵan zań buzýshylyqtarǵa baılanysty Qyzylorda kólik prokýratýrasymen aýmaqtyq kólik ınspektsııasyna prokýrorlyq yqpal etý aktisi engizilip, nátıjesinde shaǵyn kólemdi 8 keme ıeleri ákimshilik jaýapkershilikke tartyldy.
