Aral teńizinde eki balyqshy sýǵa ketip, kóz jumdy

QYZYLORDA OBLYSY. QazAqparat – Qyzylorda oblysynda eki balyqshy sýǵa batyp ketti, dep habarlaıdy QazAqparat Tótenshe jaǵdaılar komıtetine silteme jasap.

30 naýryz saǵat 13:00-de Qyzylorda oblystyq TJD kezekshi pýltine 29 naýryzda Kishi Aral teńizine motorly qaıyqpen balyq aýlaýǵa ketken eki balyqshynyń joǵalyp ketkeni týraly habar tústi.

Іzdeý jumystaryna shuǵyl túrde TJD jedel-qutqarý jasaǵynyń qutqarýshylary men jergilikti turǵyndar tartyldy. Eki saǵattan keıin qutqarý toby 1974 jáne 1998 jylǵy eki balyqshynyń denesin sýdan alyp shyqty.

Azamattyq qorǵanys organdarynyń qutqarý jasaqtary kóktem kezinde sý aıdyndarynda adamdardyń qaza tabýyna jol bermeý maqsatynda turǵyndarmen túsindirý jumystaryn, profılaktıkalyq sharalar júrgizip jatyr.