Aral teńizin qutqarý boıynsha baǵdarlama bekitildi

NUR-CULTAN. QazAqparat – Aral teńizi basseıini elderine kómek kórsetetin is-qımyl baǵdarlamasy bekitildi, dep habarlaıdy QazAqparat Ekologııa mınıstrligine silteme jasap.

Qazaqstan Respýblıkasynyń delegatsııasy QR Premer-Mınıstriniń orynbasary R.Sklıardyń basshylyǵymen Halyqaralyq Araldy qutqarý qorynyń (HAQQ) Basqarý otyrysyna qatysý úshin Dýshanbe qalasyna bardy. Delegatsııa quramyna Ekologııa, geologııa jáne tabıǵı resýrstar mınıstri M.Myrzaǵalıev, QR Tájikstan Respýblıkasyndaǵy Elshisi A.Tájibaev jáne QR Syrtqy ister mınıstriniń orynbasary M. Syzdyqov jáne t.b. kirdi.

Qazaqstandyq tarapy HAQQ Oryndaýshy komıtetine HAQQ Memleketteri basshylarynyń sheshimderine túgendeý júrgizýdi usyndy. Sonymen qatar, Elbasy N.Á. Nazarbaevtyń 2018 jyly Túrikmenbashı q. HAQQ memleketteri-quryltaıshylar samıtinde aıtylǵan HAQQ uıymdastyrýshylyq qurylymdy jáne kelisim-sharttyq bazasyn jetildirý, Ortalyq Azııanyń halyqaralyq sý-energetıkalyq kontsortsıýmyn qurý, sondaı-aq HAQQ Oryndaýshy komıtetiniń aımaq elderiniń birinde turaqty ornalastyrý jónindegi usynystardy iske asyrý qajettiligin atap ótti.
Aral teńiziniń basseındegi sý resýrstaryn jáne ekologııalyq jaǵdaıdy jaqsartý qajettiligi aıasynda, qazaqstandyq tarapymen aımaqtyq uıymdardyń rólin kúsheıtýdiń, onyń ishinde «Syrdarııa» jáne «Amýdarııa» sý sharýashylyq basseındik birlestikterdiń mańyzdylyǵy ataldy.
Otyrys nátıjesinde Tájikstan tóraǵalyq etýiniń merzimine HAQQ Oryndaýshy komıtetiniń jumys jospary qabyldandy, sonymen qatar, «Aral teńiziniń basseıni elderine kómek kórsetý jónindegi is-qımyl baǵdarlamasy» (ATBB-4) bekitildi.
ATBB aımaqtyq baǵdarlama, onyń negizgi maqsattary Aral teńizi basseıninde turatyn adamdardyń turmystyq jaǵdaıyn jaqsartý, Ortalyq Azııa elderi arasyndaǵy sý sharýashylyq, ekologııalyq jáne áleýmettik-ekonomıkalyq jaǵdaıdy jaqsartý jáne sý resýrstaryn utymdy paıdalaný yntymaqtastyǵyn odan ári keńeıtý bolyp tabylady.