Aral-Syrdarııa basseıninde balyq aýlaýǵa shekteý qoıyldy
QYZYLORDA. KAZINFORM – Balyq resýrstary men basqa da sý janýarlarynyń ýyldyryq shashyp, kóbeıýi kezeńinde Aral-Syrdarııa balyq sharýashylyǵy basseıninde belgili bir shekteý paıda boldy. Bul týraly oblystyq tabıǵı resýrstar jáne tabıǵat paıdalanýdy retteý basqarmasy málimdedi.
Atap aıtqanda, Syrdarııa ózeninde 1 sáýir men 30 mamyr, Kishi Aral teńiziniń sý aılaǵynda 1 mamyr men 10 maýsym, Qyzylorda oblysynyń shegindegi sý aıdyndarynda 20 sáýir men 10 maýsym aralyǵynda, Saryshyǵanaq jáne Býtakovka shyǵanaǵynda, osy ekeýin baılanystyratyn saǵalarda muzdyń ydyraýynan bastap maýsymnyń 10-yna deıin balyq aýlaýǵa ruqsat joq.
- Sonymen qatar artemııanyń kóbeıýi kezeńinde Ózbekstan Respýblıkasynyń memlekettik shekarasyna deıin Qazaqstan Respýblıkasynyń aýmaǵy sheginde Tuşybas, Chernysheva shyǵanaqtaryn qosa alǵanda, Úlken Aral teńizinde 1 sáýirden 31 shildege deıin artemııa jumyrtqalaryn jınaýǵa jáne daıyndaýǵa tyıym salynady. Tynyshtyq aımaǵyn qurý maqsatynda Syrdarııa ózeniniń Kishi Aral teńizine quıatyn jerinen Kókaral bógetine deıingi ońtústik baǵytta, Kókaral túbegine deıingi batys baǵytta, soltústik jáne soltústik-shyǵys baǵyttarda 5 shaqyrym, Syrdarııa ózeniniń aǵysymen joǵary baǵytta 5 shaqyrym ýchaskede, balyq ólimin boldyrmaý maqsatynda Kókaral bógetiniń tómengi befinde, Kishi Aral teńizin Úlken Aral teńizimen baılanystyratyn jylǵada balyq aýlaýǵa ruqsat beriledi, - delingen habarlamada.
Buǵan deıin Balqash-Alakól oblysaralyq basseındik balyq sharýashylyǵy ınspektsııasy Іle ózeninde balyq aýlaýǵa tyıym salynǵanyn habarlady.