Aral Sadyqov Qazaqstan taekvondo federatsııasynyń bas hatshysy bolyp taǵaıyndaldy

ASTANA. KAZINFORM — Qazaqstan taekvondo federatsııasynyń bas hatshysy bolyp Aral Sadyqov taǵaıyndaldy. Bul týraly Prokadry jazdy.

Buǵan deıin ol Qazaqstan taekvondo federatsııasynyń birinshi vıtse-prezıdenti bolǵan. 

Al, byltyr Qazaqstandyq taekvondo (WT) federatsııasynyń prezıdenti Vıacheslav  Kım basshy qyzmetinen ketip, ornyna Shamıev Qudyret Ignatuly saılanǵan bolatyn.

Bıylǵy qańtarda Esbol Sultanov taekvondodan Qazaqstan quramasyna bas bapker bolyp taǵaıyndaldy. Ol – Parıj Olımpıada oıyndarynda Týnıs eliniń ulttyq quramasyn basqaryp, eki medal jeńip alǵan bolatyn. 

Federatsııa prezıdenti Qudyret Shámıev uıymnyń da, komandanyń aldynda da úlken mindetter turǵanyn alǵa tartyp, kelesi tórt jyl 2028 jylǵy olımpıadaǵa daıyndyq bolsa, odan keıingi oıyndarǵa jastardy jetildirýdi maqsat etkenin aıtqan bolatyn.

Bıyl Qazaqstan taekvondo federatsııasynda úlken ózgerister boldy. Federatsııanyń quramy tolyqtaı ózgerdi. Bapkerlerdiń de, tóreshilerdiń de quramy aýysty.

Qazaqstan taekvondodan 2027 jylǵy álem chempıonatyn qabyldaýǵa daıyndalyp jatyr.

Eske sala keteıik, buǵan deıin otandyq WT taekvondo federatsııasynyń prezıdenti Qudyret Shámıev Kazinform tilshisine suqbat berip, 2027 jyly taekvondodan álem chempıonatyn ótkizýge kúsh salyp jatqanyn aıtqan bolatyn. Aldaǵy josparlarymen bólisken edi.