Aral óńiriniń problemalaryn sheshý EQYU aıasyndaǵy ekologııalyq máselelerdi retteýge úlgi bolýy tıis- Q. Saýdabaev
A. Qańtardyń 20-sy. QazAqparat /Qanat Mámetqazyuly/ - Aral óńiriniń problemalaryn sheshý EQYU ekologııalyq máselelerin retteýge úlgi bolýy tıis. Búgin elordada EQYU-nyń qazirgi tóraǵasy, QR Memlekettik hatshysy-Syrtqy ister mınıstri Qanat Saýdabaev elimizde tirkelgen dıplomatııalyq korpýs ókilderimen kezdesýi barysynda osylaı málim etti,
dep habarlaıdy QazAqparat.
«EQYU-ǵa tóraǵalyq boıynsha ekonomıka-ekologııalyq ólshemder boıynsha shekarany kesip ótý pýnktterindegi tıisti basqarýlardy qoldaný, qaýipsiz jáne tıimdi jerústi kólikti damytý máseleleri basymdyqta qarastyrylady. Biz bul máselelerdiń ǵalamdyq daǵdarystan shyǵý jaǵdaıynda asa mańyzdy bolyp tabylatynyna senimdimiz. Osy baǵyttaǵy pikirtalasqa ІІІ Astanalyq ekonomıkalyq forým qosymsha serpin beredi dep oılaımyn. Atalǵan forým aǵymdaǵy jyldyń shilde aıyna josparlanyp, «Daǵdarys sabaqtary jáne jahandaný jaǵdaıynda ári daǵdarys kezindegi ekonomıkalyq damý úlgisi» taqyrybyn qamtıtyn bolady», dedi Q. Saýdabaev. Sonymen birge, Q. Saýdabaev taǵy bir ózekti ári mańyzdy másele retinde Aral óńiriniń problemalaryn sheshý jónindegi qyzmetterdi atap ótti. Onyń aıtýynsha, bul problemany ornyqty sheshý EQYU sheńberindegi ekologııalyq problemalardy retteý barysynda úlgi bola alady.
