Aral mańynda turatyn adamdardyń qaýipsizdigi qory quryldy

ASTANA. QazAqparat - Birikken Ulttar Uıymy Aral mańyndaǵy adam qaýipsizdigi jónindegi kópjaqty qordyń qurylǵandyǵyn jarııalady. Atalǵan qordyń maqsaty - óńir turǵyndaryna kómek kórsetýge daıyndardyń kúsh-jigerin biriktirý. Búginde Qazaqstan, Ózbekstan jáne Túrikmenstanda Aral mańy aýmaǵynda 7 mln adam turyp jatyr, dep habarlaıdy QazAqparat BUU Jańalyqtarynyń resmı saıtyna silteme jasap.

Jańa seriktestiktiń tusaýkeserine arnalǵan saltanatty sharada BUU Bas hatshysy Antonıý Gýterrısh Aral mańynda adam qaýipsizdigi jónindegi kópjaqty qor jergilikti turǵyndardyń ómir súrý jaǵdaıyn aıtarlyqtaı jaqsartyp, Turaqty damý maqsattaryn júzege asyrýǵa septigin tıgizetindigin basa aıtty.

«Seriktestik qory qoldaý kórsetetin baǵdarlamalar qazirdiń ózinde óńirde jańa jumys ornyndarynyń ashylýyna kómektesip, olardyń 45 paıyzyna áıelder ornalasty», - dedi búkilálemdik uıymnyń basshysy.

Seriktestik qory - bul kóptegen taraptyń, onyń ishinde úkimet pen jeke sektor ókilderi yntymaqtastyǵynyń nátıjesi. Bas hatshy mundaı qor qurý týraly saıası sheshimdi joǵary baǵalap, donorlardy qarjylaı qoldaý kórsetýge shaqyrdy.

Onyń aıtýynsha, Aral óńirindeg Turaqty damý maqsattaryn ilgeriletý jónindegi baǵdarlama jergilikti halyqtyń laıyqty ómir súrýge degen senimin oıatyp, qalpyna keltiretin bolady.

«Qor bul jetistikterdi keńeıtip jáne nyǵaıtyp qana qoımaıdy. Bul tájirıeni álemniń ózge de óńirlerinde qoldanýǵa bolady», - dedi A.Gýterrısh.

Ózbekstan Olıı Majlısi Senatynyń birinshi vıtse-spıkeri sodık Safoevtiń paıymynsha, seriktestik qory keminde 4 mindetti sheshýi tıis.

«Birinshisi - bul qarajatty shoǵyrlandyryp, ony odan keıin Aral aımaǵyn áleýmettik-ekonomıkalyq damytýǵa baǵyttaý. Ekinshisi - keshendi ádisterdi qamtamasyz etý. Ózderińiz de biletindeı, Aral qalaı desek te halyqaralyq qoǵamdastyqtyń, BUU-nyń kóptegen ınstıtýtynyń jáne ózge de uıymdardyń basty nazarynda boldy. Biraq, árkim óz mindetin ózi sheshti. Qazir bir-birin qaıtalamaı, birlese otyryp máseleni sheshýdiń keshendi, ıntegratsııalanǵan ádisterin ázirleýge umytylys júrip jatyr. «Órtti sóndirmeı», qarajatty óńirdiń turaqty damýyn qamtamasyz etý úshin baǵyttaýǵa umtylý kerek.  Úshinshiden, atalǵan qarajat óńirdiń ınnovatsııalyq damýy úshin baǵyttaýda jańa ádister qajet. Tórtinshiden - bólingen qarajatty barynsha tıimdi paıdalaný. ıAǵnı, adamdar densaýlyq saqtaý, aýyz sýmen qamtamasyz etý, jumys oryndaryn qurý, bilim berý salalaryndaǵy tikeleı nátıjelerdi kórýi kerek», - dedi Sodık Safoev.

Onyń sózine qaraǵanda, qazirdiń ózinde Norvegııa atalǵan qorǵa 1,2 mln dollar beretindigin jarııa etken.