Aral mańyndaǵy ekologııalyq ahýal qalaı

ASTANA. KAZINFORM — Aral teńiziniń tartylǵan bóligi áli de kúrdeli másele bolyp otyr. Bul jóninde QR Ekologııa jáne tabıǵı resýrstar mınıstri Erlan Nysanbaev Óńirlik ekologııalyq sammıtte málimdedi.

Onyń sózinshe, bul aımaq árdaıym jiti qadaǵalanady.

— Aral teńiziniń jalpy 6 mln gektar aýmaǵy qurǵap qalǵan. Onyń 2,8 mln gektary Qazaqstan aýmaǵynda. Tartylǵan aıdynnyń ornyna 2021 jyldan beri ósimdik egilip keledi. Búginde 1,1 mln gektar jerge sekseýil t. b. tuzǵa tózimdi t. b. aǵash túrleri otyrǵyzylǵan. Bul ulttyq joba ǵana emes, transshekaralyq qumdy daýyldarǵa tosqaýyl bolady ári aımaqtaǵy ekologııalyq jaǵdaıǵa oń áser etedi. Sol arqyly kórshi elderdiń de ómir sapasyn jaqsartady, — dedi mınıstr.

Aıta keteıik, buǵan deıin jerdiń tozýy men shóleıttenýge qarsy Qazaqstan qalaı kúresip jatqanyn jazǵanbyz.