Aral qalasynda alabaı tuqymdy ıt jeti jasar balany qaýyp aldy
Aral qalasy turǵynynan polıtsııa kezekshi bólimshesine balasyn ıt qaýyp alǵany jóninde habarlama tústi. Oqıǵa ornyna ýchaskelik polıtsııa ınspektorynyń kómekshisi, polıtsııa aǵa leıtenanty Altyntas Nurpeıisov polıtsııa aǵa serjanty Nurken Ermaǵanbetov jedel jetti. Barlaý barysynda alabaı tuqymdy qabaǵan ıttiń úı ishinen adamdardy syrtqa shyǵarmaı turǵanyn ańǵardy. Ol adamdar ıttiń qabýynan jaraqat alǵan jasóspirimdi aýrýhanaǵa jetkizý úshin kelgen «Jedel járdem» qyzmetkerleri bolyp shyqty.
Bos júrgen ıt kóshe boıynda júrgen adamdarǵa da qaýip tóndirgen. Sondyqtan polıtsııa qyzmetkeri Altyntas Nurpeıisov sheshimge keldi. Qabaǵan ıtti adam júrmeıtin jerge aparyp, azamattardyń qaýipsizdigin qamtamasyz etý maqsatynda ıtke qarsy tabeldik qarýdy qoldanýǵa májbúr boldy. Osylaısha qabaǵan ıttiń kózi joıyldy.
«Jaraqat alǵan jasóspirim aýrýhananyń travmotologııa bólimine shuǵyl jetkizildi. Onyń densaýlyǵyna eshqandaı qaýip tónip turǵan joq. Qazirgi ýaqytta atalǵan derek boıynsha ıt ıesin anyqtaý úshin tekserý sharalary júrgizilýde. Saraptama taǵaıyndaldy. Sonymen qatar, tabeldik qarýdy qoldaný deregi boıynsha tekserý júrgizildi. Onyń qorytyndysy polıtsııa qyzmetkeri azamattardyń ómirine nemese densaýlyǵyna tikeleı qaýip tóndiretin janýardy zalalsyzdandyrý úshin zań sheńberinde áreket etkenin kórsetti», - dep málim etti Qyzylorda oblystyq polıtsııa departamentiniń baspasóz qyzmeti.