Aral aýdanyndaǵy Qamystybas aýylynda mektep órtendi
ARAL. QazAqparat - Aral aýdany Qamystybas aýyldyq okrýgindegi №21 mektep otqa orandy, dep habarlaıdy QazAqparat tilshisi.
«23 aqpan kúni saǵat 11 jarymǵa taman órt qaýipsizdigi qyzmetine Qambash qystaǵyndaǵy №21 mekteptiń órtenip jatqany jóninde habarlama tústi. Belgili bolǵandaı, ǵımarattyń ústińgi jabyndysyn jalyp sharpyǵan. Arnaıy qutqarý qyzmetiniń ókilderi oqıǵa ornyna jetkenge deıin erikti órt sóndirýshiler men aýyl turǵyndary tilsiz jaýdy aýyzdyqtady», - deıdi TJK-niń resmı ókili Nursultan Nurahmetov.
Málimetterge súıensek, zardap shekkender joq. Aldyn ala boljam boıynsha tótenshe jaǵdaı peshti qurý kezinde órt qaýipsizdigi erejesiniń saqtalmaýynan bolýy múmkin.
