Aral aýdanyndaǵy aýylda órtengen mektep qalypqa keltirildi
QAZALY. QazAqparat - Aral aýdanyndaǵy Qamystybas aýyldyq okrýgine qarasty mektepte oryn alǵan tótenshe jaǵdaıǵa baılanysty aýdan ákiminiń orynbasary málimdeme jasady, dep habarlaıdy QazAqparat tilshisi.
- Atalǵan ǵımarat 2006 jyly turǵyn úı retinde salynyp, 2010 jyly bastaýysh mektep retinde «Aral aýdandyq bilim bólimi» KMM-niń «№ 21 orta mektebi» KMM-niń teńgerimine berilgen. Mektepte 1-4 synyp aralyǵyndaǵy 13 oqýshy bilim alýda jáne 3 muǵalim men 1 tehnıkalyq qyzmetker jumys atqarýda. Bastaýysh mektebiniń jalpy kólemi 72 sharshy metr (9m h 8m,) І-qabatty, qabyrǵalary - qamys-karkas, tóbesi shıferlengen ǵımaratynyń kire-beris bólmesinde ornalasqan jylytý peshi murjasynyń aınalasyndaǵy kólemi 2 sharshy metr(2m h 1m) tóbe qaptamasy órtengen,- dedi Bektemir Jumaǵulov jýrnalısterge bergen suhbatynda.
Qazirgi kúni qalypqa keltirý jumystary tolyq aıaqtalyp, oqý protsesine eshbir kedergisiz jalǵasýda.
