Aral aýdanynda kásipkerler sany ósken
QAZALY. QazAqparat - Ótken jyly Aral aýdany kásipkerlik salasynyń kórsetkishi boıynsha respýblıkadaǵy 290-ǵa jýyq aýdan ishinen 7 oryndy ıelendi, dep habarlaıdy QazAqparat tilshisi.
Aral aýdanynyń ákimi Muhtar Orazbaevtyń aıtýynsha, 2018-2020 jyldary Qyzylorda oblysynda Jappaı kásipkerlikti qoldaý jyly bolyp jarııalandy. Ataýly jyl aıasynda Aral aýdany kásipkerlik salasynyń kórsetkishi boıynsha respýblıkadaǵy 290-ǵa jýyq aýdan ishinen 7-shi oryndy ıelendi.
«2018 jyly aýdandaǵy shaǵyn jáne orta bıznes sýbektileri 4237 birlikti qurap, 5292 azamat turaqty jumyspen qamtyldy. «Bıznestiń jol kartasy - 2020» baǵdarlamasy aıasynda paıyzdyq mólsherlemelerdi sýbsıdııalaý boıynsha 952,2 mln teńgeniń 12 jobasy sýbsıdııalandy. Quny 126,5 mln teńgeni quraıtyn 7 joba kepildendirý arqyly iske asyryldy. Granttyq qarjylandyrý baǵyty boıynsha 18,4 mln teńgeniń 23 jobasy qaıtarymsyz grantqa ıe boldy», - dedi aýdan ákimi Muhtar Orazbaev.
Aýdan boıynsha «Bastaý Bıznes» jobasynda 240 adam, «Bıznes Keńesshi» jobasy boıynsha 135 adam oqytyldy.
Jyl kóleminde qarjy ınstıtýttary arqyly aýdan kásipkerlerine 1,6 mlrd teńge nesıe berilgen. Nátıjesinde aýdanda tirkelgen shaǵyn jáne orta bıznes sýbektileriniń sany 109,3 paıyzǵa ósken.
