Aral aýdanynda esirtki satýmen aınalysqan adam bes jylǵa bas bostandyǵynan aıyryldy
QYZYLORDA. 22 aqpan. QazAqparat - Qyzylorda oblysy Aral aýdandyq soty Sekseýil eldi mekenindegi janar maı quıý beketiniń ıesin esirki zattaryn satqany úshin 5 jylǵa bas bostandyǵynan aıyrdy.
Bul týraly oblystyq sottyń baspasóz hatshysy Saltanat Smaǵulova málimdedi.
Jazaǵa tartylǵan adam byltyr 6 qarashada Qyzylorda oblystyq Kedendik baqylaý departamentiniń kontrabandaǵa qarsy kúres basqarmasy jáne Aral aýdandyq ishki ister bóliminiń birlesken jedel izdestirý sharalary kezinde esirtki satyp turǵan jerinde ustalǵan bolatyn. Tabylǵan marıhýananyń jalpy salmaǵy, sot krımınaldyq saraptama anyqtaǵandaı, 40,33 grammdy quraǵan edi.
Endi ózgeni esirtkige elitken azamat Qazaqstan Respýblıkasynyń Qylmystyq kodeksiniń 259 babymen bas bostandyǵynan aıryldy.
