Aral aýdanyna jańa jedel járdem kólikteri tabystaldy

QYZYLORDA. QazAqparat - Qyzylorda oblysynyń Aral aýdandyq jedel járdem stansasy jańa 3 kólikpen tolyqty, dep habarlaıdy QazAqparat tilshisi.

Búginde zamanaýı qural - jabdyqtarmen qamtamasyz etilgen tehnıka turǵyndarǵa qyzmet kórsetýdi bastap ketti.

Aıta ketý kerek, atalmysh óńirde jedel járdem kólikterine qatysty problema ózekti bolatyn. Jergilikti turǵyndar dárigerlerdiń shaqyrtýlarǵa jeke kólikterimen qatynaıtynyn aıtyp shaǵymdanǵan edi.

«Oblysymyzǵa jańadan 10 jedel járem kóligi keldi. Onyń úsheýin Aral aýdanyna jiberdik. Óńir shalǵaı ornalasqandyqtan aıryqsha kóńil bólip otyrmyz. Jyl sońyna deıin taǵy da 12 kólik keledi dep kútilýde. Josparlanǵan jumystar júzege asqan jaǵdaıda, eski kólikterdiń birazy jańartylyp, jedel járdemniń qyzmeti de sáıkesinshe jaqsara túspek. Dál qazirgi ýaqytta aımaǵymyzda kólik tapshylyǵy joq», - dep málimdedi Qyzylorda oblystyq densaýlyq saqtaý basqarmasynyń baspasóz hatshysy Nurjamal Tursynbaeva.