Aral aýdany sharýalaryna jem-shóp jetkizile bastady
QYZYLORDA. QazAqparat - Qyzylorda oblysy Aral aýdanyndaǵy qýańshylyq jaǵdaıyna baılanysty jergilikti sharýalarǵa jem-shóp jetkizile bastady, dep habarlaıdy QazAqparat tilshisi.
Oblys ákimi Gúlshara Ábdiqalyqovanyń basshylyǵymen óńirde bul baǵytta tıisti is-sharalar atqarylyp keledi. Aýdandaǵy árbir aýylǵa oblys aýdandarynan shóp jetkizý baǵytynda tıisti jumystar atqarylady.
Aıta keterligi, Aral aýdanynda qýańshylyqqa baılanysty tótenshe jaǵdaı jarııalandy. Qazir bul baǵytta tıisti jumystar atqarylýda .
Aýdanǵa qajetti shóptiń kólemi - 184640 tonna. Osy qajettilikke sáıkes 2499 tonna shóp jáne 51,2 tonna jem jetkizilgen. Al aýdannyń shabyndyq jerlerinen shóptiń 36453 tonnasyn qamtamasyz etý josparlanyp otyr. Qalǵan 146000 tonna shóp syrttan tasymaldanady. Ol kezeń-kezeńimen júzege asyrylady.
Aıta keterligi, qýańshylyq jaǵdaıyna baılanysty aýdandaǵy eldi mekender qyzyl, sary jáne jasyl aımaqqa bólingen. Máselen, «Qyzyl aımaq» boıynsha 1252 tonna shóp jáne 16,2 tonna jem qajet etilip otyr. Al «saryǵa» 788 tonna shóp jáne 30 tonna jem, «jasylǵa» 216 tonna shóp qajet. Sondaı-aq, aýdan ortalyǵy Aral qalasy boıynsha 243 tonna shóp jáne 5 tonna jem jetkizilgen.
Budan bólek, Amanótkel, Jetes bı aýyldarynda qaıyrymdylyq kómek retinde turmysy tómen otbasylarǵa shópter tegin taratylyp berildi.
